UKRAINE – Nagdangat sa 21 ka mga Filipino seafarers ang nag-evacuate sa barko sa Odessa, Ukraine sa tunga sang Russian invasion.
Suno sa Department of Foreign Affairs (DFA), maabot sa Pilipinas ang nasambit nga mga Filipino seafarers sa Martes.
Ang nasambit nga mga seafarers ang crew members sang MV S-Breeze.
Ang mga Pinoy seafarers ang naglaktod sa border sang Moldova halin sa Ukraine sang Pebrero 27 kag Marso 1 kag sunod sa Romania.
Ang MV S-Breeze nga isa ka bulk carrier ang naka-angkla sa Odessa humalin pa sang Enero 27 sa diin ginakaayo ini.
Gindugang pa sang DFA nga 13 pa ka mga iban pa nga seafarers out of 31 ka mga crew members sang Star Helena ang nakalab-ot na sa Moldova sang Marso 3 kag nagahulat na lang para sa repatriation.
Nagpanugyan man ang ahensya sa mga kinahanglan sang repatriation malapit sa Moldova kag Romania borders nga mag-contact sa Philippine Embassy sa Budapest sa masunod nga numero.
Hungary
Budapest PE emergency hotline: +36 30 202 1760
Assistance to Nationals Officer Claro Cabuniag: +36 30 074 5656 (mobile)
Honorary Consul Victor Gaina: +37369870870 ukon sa email addresses nga: victor.gaina@phconsulate.md ukon consul@phconsulate.md
