Gin-aprubahan na sang Italian government ang pagtukod sang dugang pa nga anom ka mga wind farms sa pungsod agud nga ila na mauntat ang pagdepende sa Russian gas imports.
Ini ang kasunod man sang nagapadayon nga Russian invasion sa bahin sang Ukraine.
Ang amo nga mga wind farms ang itukod sa southern regions sang Puglia, Basilica kag Sardinia.
Ang anom ka wind farms ang dugang pa sa duha nga nauna na naaprubahan nga 21.9-MegaWatts Montaratro wind farm sa Troia, Apulia region, kag ang 121.5-MW Nulvi Ploaghe expansion project sa Nulvi, Sardinia.
Ang dugang pa nga 58.5-MW wind farm ang ipatukod sa Apulia’s Cerignola kag Orta Nuova, samtang, ang 43.2-MW park ang ipahamtang sa Castelluccio dei Sauri, kag sa Apulia, kag ang 39.6-MW nga planta naman ang ipahamtang sa Sant’Agata di Puglia, Apulia.
Una na nga gin-anunsyo sang Italian government ang ila tuyo nga magbiya sa importation sang Russian gas lakip man ang pagbiya sa European Union, United Kingdom kag Estados Unidos bag-o ang tuig 2025.
Suno kay Bombo International Correspondent Steven Mark Espinosa, — direkta sa Italy, wala pa sang timeline kun san-o suguran ang construction sang mga wind farms.
Suno kay Espinosa, kinahanglan nga ‘open area’ kag mahangin ang mga lugar nga pahamtangan sang wind farms bilang amo ang parameters nga ginkonsiderar sang Italian government.
Ang tinutuyo sang amo nga lihok sang gobyerno sang Italya amo nga ma-phase out ang ila pagdepende sa Russian gas imports.
