ILOILO CITY – Nagpanawagan ang Western Visayas Transport Group sa mga operator nga ihatag diretso sa mga drivers ang ayuda nga ihatag sang gobyerno.
Kahapon, Marso 15, ginalauman nga ma amat-amat na hatag sa mga drivers ang ayuda kasunod man sang nagatass nga presyo sang gatong.
Sa interview sang Bombo Radyo kay Mr. Reymundo “Boyet” Parco, presidente sang Iloilo City Loop Alliance of Jeepney Operators and Drivers Association (ICLAJODA) kag subong man chairman sang WVTC, iya ginpahayag nga klaro sa pagsulundan nga ang mga drivers amo ang dapat nga magbaton sang ayuda.
Suno kay Parcon, ang mga drivers amo ang gabakal sang gatong kag amo ang direkta nga na apektuhan sang pagtaas sang gatong.
Nagpanawagan man si Parcon sa gobyerno nga kun mahimo, indi na pag ipa-agi sa pasada card ang ayuda bangud may yara sang drivers nga wala sang card.
Dugang pa ni Parcon, bangud sang nagapadayon nga pagtaas sang presyo sang gatong, madamo sang mga drivers ang nag untat sang pag byahe sang jeep kag may yara man nga nagsaylo nalang sa pribado bangud halos wala na sila sang dal-on sa ila panimalay.
