Wala pa nakabutlak ang adlaw kaina sang aga, nakaabot na ang pila ka walk-in applicants sa consular office sang Department of Foreign Affairs (DFA) sa Iloilo apang naudtuhan lang, wala natigayon ang transaksyon bangud sa ginapahayag ‘balik-awot’ nga mga requirements kag proseso.
May mga aplikante nga nag-abot sa syudad 4:00 pa lang sa kaagahon, kag may nag-abot man takna 6:00 kag nagikan pa sa probinsya sang Iloilo.
Sa interview sang Bombo Radyo kay Rex Lansa, isa ka seafarer nga taga-banwa sang Bingawan kag duha ka na ka tuig nga wala nakabalik sa trabaho, iya ginpahayag nga ini na kuntani ang iya tyansa nga maka-renew sang iya nga passport agud nga maka-sakay liwat sa barko.
Nobyembre pa sang nagligad nga tuig sang nag-umpisa ini nga maka-book sang appointment online, apang wala sang available slot suno kay Lansa.
Sang ginbuksan na ang consular office para sa walk-ins nga active overseas Filipino workers kag mga indibidwal nga eligible para sa passport courtesy lane, indi man gihapon maayo ang serbisyo suno sa natungdan.
Indi man kumpleto ang requirements ni Lansa kag ginapahayag nga indi man makakuha sang current kag valid nga employment contract bangud sa Manila pa ini sarang makuha.
Gintinguhaan sang Bombo News Team nga kuhaan sang pahayag ang talatapan sang consular office para sa abiso kag paathag sa mga naga-walk-in, apang gin-refer anf queries sa central office sang DFA.
REQUIREMENTS
Yari ang requirements sandig sa una nga abiso nga ginpa-guwa sang DFA:
-para sa senior citizens: senior citizen identification card (dapat updan sang isa ka adult)
-para sa pregnant applicants: proof of pregnancy (medical certificate)-para sa persons with disabilities: valid PWD identification card
-solo parents: valid solo parent identification card
-Minors nga nagaedad 7 anyos panubo (dapat upan sang ginikanan ukon legal guardian): original kag photocopy sang Philippine Statistics
– Authority birth certificate sang menor de edad, additional documentary requirements kun ang bata wala sang upod nga ginikanan.
Ang Overseas Filipino workers kag seafarers nga may incoming ukon active employment abroad ang dapat magpakita sang mga masunod:
-valid Overseas Workers Welfare Administration E-card-valid employment contract-valid work visa-seafarer’s identification and record book (SIRB)Ang mga eligible applicants ang dapat man magdala sang proof of vaccination. ##
