JORDAN, GUIMARAS – Buksan na sa Semana Santa ang Balaan Bukid sa Barangay Balcon Melliza, Jordan, Guimaras.
Ini matapos ang duha ka tuig nga pagsirado sang lugar bangud sa pamahog sang COVID-19.
Santo sa Executive Order No. 15 Series of 2022-02 nga ginpirmahan ni Jordan Mayor Engr. Ruben Corpuz, bukas na ang Balaan Bukid para sa mga residente sang Guimaras.
Apang ang mga turista kag pilgrims halin sa gwa nga mga probinsya ang indi pagpasugtan nga magsaka sa Balaan Bukid.
Indi naman pagpasugtan nga makagwa kag makasulod sa Guimaras ang mga unvaccinated nga indibidwal, magluwas lang kun may sang medikal nga rason kag may highly essential nga rason.
Ang mga indibidwal nga unvaccinated ang kinahanglan nga magpakita sang negative nga Reverse transcription polymerase chain reaction (RT-PCR) test result sa diin ang test ang nagakadapat nga ginpatigayon indi magnubo sa tatlo ka adlaw antes ang petsa sang travel.
Magatutok naman sa crowd control kag pagpatuman sang minimum health protocol ang COVID-19 Task Force kaupod ang mga tanod sang Barangay Hoskyn, Barangay Balcon Melliza, Philippine National Police, Bureau of Fire Protection, Navy reserve, Municipal Disaster Risk Reduction Council kag Municipal Tourism Council.
