ILOILO CITY – Nadangat sa anum ka mga justices sang Court of Appeals kag Sandiganbayan ang yara sa listahan nga pilian agud nga magbulos kay Court Senior Associate Justice Estela Perlas Bernabe sa iya pagretiro sa Mayo 14.
Ini ang ginkumpirma ni Justice Secretary Menardo Guevarra nga nagaserbe man nga ex-officio member sang Judicial and Bar Council (JBC) nga amo ang screening body.
Ang mga nalakip sa nominees amo sanday CA Associate Justices Ramon Cruz, Maria Elisa Diy, Ronaldo Roberto Martin, Fernanda Lampas Peralta, Maria Filomena Singh, kag Sandiganbayan Associate Justice Geraldine Faith Econg.
Sa idalom sang 1987 Constitution, ang Judicial and Bar Council (JBC) ang maga-endorso sang indi magnubo sa tatlo ka nominees sa Presidente nga amo ang mahimo sang appointment.
Si Presidente Rodrigo Duterte ang mahimo nga maka-appoint sang taghukom sa tion sang eleksyon nga suportado sang landmark 2010 ruling sang Supreme Court.
