Nagpaguwa sang personal nga paandam si Commission on Elections (Comelec) Commissioner Rey Bulay nga ipa-aresto kag ipa-preso ang mga tawo nga naga-akusar sa ahensya bilang biased kag nagapangdaya sa 2022 elections.
Suno kay Bulay, indi magpangduha-duha ang Comelec sa pagpangayo sang bulig sang Armed Forces of the Philippines (AFP) agud patulan kag dakpon ang mga tawo nga nagatilaw nga manggamo sa eleksyon.
“Iyon pong nagko-comment ng public opinion na ang Comelec ay may sina-side-an, may kinakampihan, at mandadaya, ako po ay nagwawarning sa inyo, we will not hesitate to call upon the AFP na sa panahong ito ay nasa ilalim ng control ng Comelec para patulan at ipahuli at ipakulong kayo,” suno kay Bulay.
Ginpaguwa ni Bulay ini nga paandam apisar nga may yara sang Writ of Habeas Corpus sa tion sang eleksyon. Sa idalom sini, may yara sang constitutional right ang isa ka tawo sa due process.
Mangin balido lamang ang warrantless arrest para sa mga krimen nga nadakpan sa akto, kag mahimo lamang nga ma-regulate ang FREE SPEECH sa pila ka ginakabig nga “very extraordinary circumstances.” ##
