ILOILO CITY – Nagtukod sang special division ang Commission on Elections (COMELEC) agud nga mag-determine kung kay sin-o nga faction sang PDP-Laban ang opisyal nga kilalahon sang poll body.
Ang political party ang sa karon natunga sa duha ka factions: ang ginapamunuan ni Sen. Aquilino “Koko” Pimentel kag ang isa ang ginapamunuan ni Energy secretary Alfonso Cusi.
Suno kay COMELEC Commissioner George Garcia, ang kaso sang duha ka faction sang PDP-Laban ang una nga gin-raffle sa 2nd division kun sa diin, ang myembro amo sanday commissioner kag Marlon Casquejo.
Si Garcia ang nag-inhibit sang iya kaugalingon bangud, siya ang nagserbe nga abogado sang grupo antes nga nagsulod sa COMELEC.
Nagalaum naman ang poll body nga makadesisyon sila tubtob sa Byernes agud nga makapagwa na sang resolution nga nagakilala sang dominant majority, dominant minority kag pulo ka national parties.
Ang COMELEC ang naka-establish na sang point system sa pag-determine sang dominant majority, dominant minority, pulo ka national parties, kag duha ka major local parties may kaangtanan sa May 9 national and local elections.
