ILOILO CITY – Natalana nga ipagwa sang Commission on Elections (COMELEC) ang desisyon sang en banc sa appeals sa ginbasura nga disqualification case batuk kay presidential candidate Ferdinand “Bongbong” Marcos Jr. sa masunod nga semana.
Suno kay Comelec chairman Saidamen Pangarungan, lima ka mga commissioners ang nakapirma na sa resolution sang en banc sa mga appeals.
Dugang pa ni Pangarunan, duha na gid lamang ang wala nakapirma sa amo nga resolution lakip na ang iya kaugalingon.
Pahayag niya dugang, ang tatlo lamang sa apat tanan ka appeals ang natigayon nga ma-resolve bangud ang isa ang ginsumiter sang damlag lang.
Ang katapusan nga appeal amo ang iya sang grupo nga Pudno Nga Ilocano ukon ang ginatawag nga Salandanan et al vs. Marcos.
