ILOILO CITY – Daw kaangay nga nabunutan sang tunok sa dughan ang aktor nga si Tony Labrusca matapos nga gin-clear ini sa kaso nga acts of lasciviousness nga gin-file batuk sa iya sang nagligad nga tuig.
Suno kay Tony, malipayon siya nga maka-move on kag makaginhawa na sang maayo.
Ginpanindugan sini nga wala siya sang may ginhimo nga malain kag isa siya ka maayo nga tawo.
Malipayon man ini nga nakabalik na sa pungsod pagkatapos sang extended stay sini sa Estados Unidos.
Nag-ugat ang kaso nagikan sa duha ka criminal complaints nga gin-file sang Hunyo sang nagligad nga tuig batuk sa aktor bangud sa gina-alegar nga pagmolestya sini sa isa ka babayi kag pagsapoti kay Dennis Ibay Jr. sa isa ka party sang Enero sang nagligad nga tuig.
