Ginpahayag ni Presidente Rodrigo Duterte nga ginhatag na niya ang kutob sang iya masarangan sa sulod sang anum ka tuig nga termino bilang presidente, kag nagpangayo man ini sang pasensya kun para sa publiko, kulang ang iya nga ginhimo.
Natalana nga manaog sa pwesto si Duterte sa Hunyo 30. “In a few days, I’ll be out. Iyong nagawa ko, para sa akin, ‘yon na ‘yon, the best that my efforts can really achieve. Kung kulang pa ‘yon, pasensya na po, hindi ko na talaga kaya,” pahayag sang 77-anyos nga presidente.
Kun matandaan, sang 2016, nangin campaign slogan ni Duterte ang “change is coming” kag ginpromisa sini sa Pilipinas ang pagtapna sang krimen, iligal nga droga, kag kurapsyon sa pungsod.
“The things that I failed to do [were] mostly not because of negligence or may mga shortcomings ako but talagang time. Six years would not be enough to finish all the projects,” pahayag sini.
Wala man ini nalipat magpasalamat sa publiko. “Maraming salamat po sa inyo and your help in my journey in the 6 years na binigyan n’yo ako ng honor maging presidente ng Pilipinas.”
Base sa partial, unofficial tallies, si former senator Ferdinand “Bongbong” Marcos Jr. ang naka-secure sang 16-million lead sa presidential race kag amo ang natalana magbulos kay Duterte sa pagka-presidente. ##
