ILOILO CITY – Wala nagtambong sang star-studded concert sa Buckingham Palace ang Duke and Duchess of Sussex nga sanday Meghan Markle kag Prince Harry kadungan sang selebrasyon sang Platinum Jubilee ni Queen Elizabeth.
Suno kay Bombo International Correspondent Ramil Isogon direkta sa United Kingdom, ang mag-asawa ang nagbyahe pa halin sa California pauli sa United Kingdom para sa ika-70 nga tuig nga pagpangalagad sang reyna.
Ang concert ang kadungan man sang kaadlawan sang ila anak nga si Lilibet.
Sang Byernes, ginpatigayon ang thanksgiving sa St. Paul’s Cathedral kun sa diin,nagtambong man sanday Harry kag Meghan nga mas una nga nag-abot sa kanday Prince Charles, Camilla, Duchess of Cornwall, Prince William kag Kate Middleton.
Sang nagpungko na sanday William kag Kate sa front sea, wala sang natabo nga eye contact sa tunga sang duha ka mag-asawa.
Sang natapos na ang thanksgiving, ang mga myembro sang royal family ang nagpadulong sa Lord Mayor’s reception sa The Guildhall magluwas gid lamang kanday Harry kag Meghan.
Apisar nga nag-upod ang duha sa Trooping the Colour, wala sila nagpakita sa balcony sang Buckingham Palace.
Kung madumduman, sang 2021, ginbuyagyag sang mag-asawa sa isa ka interview ang conflict sa tunga nila kag sang royal family.
