ILOILO CITY – Ginpakamalaot sang Department of Foreign Affairs (DFA) ang Taiwan bangud sang plano nga pagpatigayon sang live fire drills malapit sa Ligaw Island sa Hunyo 28 kag 29.
Ini nga military exercise ang gintawag sang DFA nga “unlawful”.
Ginpahayag sang DFA ang hugot nga pagpamalabag sa aktibidad pinaagi sa isa ka tweet.
Suno sa departamento, ang Ligaw Island ang isa ka importante nga bahin sang Kalayaan Island Group kun sa diin, may yara sang soberanya ang Pilipinas.
Ang live fire drills ang ginapahayag nga magatuga sang tensyon kag magapakumplikado sang sitwasyon sa West Philippine Sea.
Ang Ligaw Island nga ginatawag man nga Taiping kag Itu Aba ang nahamtang sa masobra 30 kilometros nagikan sa Pag-asa Island.
Nakuha sang Taiwan ang pagpanag-iya sa Ligaw Island sang 1956 suno sa Asia Maritime Transparency Initiative.
