ILOILO CITY – Magasapol ang World Health Organization (WHO) upod sa mga eksperto sa Hulyo 21 agud nga desisyunan kun bala, ang monkeypox outbreak ang makabig nga global health emergency.
Suno sa UN health agency, sa tion nga matumod nga isa na ini ka global health emergency, may yara sang iduso nga mga rekomendasyon kun paano mapa-untat kag mapahagan-hagan ang paglapta sang balatian kag ma-manage ang global public health response.
Ang surge sang monkeypox infections ang gin-report sang Mayo sa gwa sang West kag Central African countries sa diin ang balatian ang madugay na nga nangin endemic.
Sa subong, ang plano sang WHO agud nga ma-untat ang paglapta sini amo ang pagpahibalo sa mga affected population groups kag hugot nga ginarekomendar ang paghalong kag protective measures.
