Na-deklarar na ang state of calamity sa probinsya sang Abra, ang epicenter sang magnitude 7.0 nga nagtay-og sa Luzon sang Myerkules sang aga.
Ginabanta nga yara sa 80 percent sang populasyon ang apektado sang amo nga linog.
Paagi sa deklarasyon sang state of calamity, mapahanugutan ang local officials nga makontrol ang presyo sang basic goods kag magamit ang calamity funds.
Mahimo man nga maka-apply ang mga residente para sa interest-free government loans.
Lima ka tawo ang reported nga napatay sa amo nga linog — isa ang halin sa La Trinidad, Benguet; isa sa Tuba, Benguet, kag tag-isa man sa Balbalan, Kalinga; Bangued, Abra; kag Gattaran, Cagayan.
