“Jack of all trades, master of none.”
Ini ang ginpamatud-an sang isa ka estudyante nga isa man ka negosyante.
Sa interview sang Bombo Radyo kay Fevy Marie Geca, 21, tumandok sang Brgy. Sinubsuban Maasin, Iloilo iya ginpahayag nga apisar naga-eskwela siya, nahimo niya sa gihapon nga mabalanse ang iya pagtuon kag pag-negosyo.
Si Geca ang incoming 3rd year Bachelor of Science in Entrepreneurship student sa Iloilo Science and Technology University (ISAT-U).
Suno kay Geca, negosyante ang iya mga ginikanan sa diin ang mga ini man ang nagtulod sa iya nga magsulod sa negosyo.
Si Geca ang nagabaligya sa online, nagasugba sang inasal kag mangin sang halo-halo.
Ginpahayag sang natungdan nga kinahanglan sini nga maka-income agud may ibakal sang mga kinahanglanon sini sa eskwelahan.
Gin-ako man sini nga may mga kahigayunan nga nagahibi siya bangud sa kakapoy, apang wala ini nangin upang agud magpadayon sa iya paghimakas.
Sa tion nga makapoy ini, ginapanumdom sini ang quote halin sa American singer-songwriter nga si Dr. Taylor Swift nga nagapahayag “Life can be heavy, especially if you try to carry it all at once, Decide what is yours to hold and let the rest go.”
