ILOILO CITY – Isa ka mamalidha ang nagduso sang hagna nga nagahatag sang benepisyo sa mga single nga individual.
Sa hagna ni PBA party-list Rep. Margarita Ignacia Nograles, ginpahayag sini nga madamo sang mga single ang naga-akto bilang breadwinners.
Sa explanatory note, sa bilog nga pungsod, madamo sang mga single ang nagaserbe nga solo parent kag amo ang nagalukdo sang problema sang pamilya.
Ang pinakamagulang nga anak ang masami nga nagasuporta sa pagtuon sang ila mga manghod.
Ang mga wala ginkasal ukon mga single nga mga tawo ang masami nga nagasuporta sa ila nga ginikanan ilabi pa nga ang mga ini ang nagatigulang na ukon yara naga-istar sa pamilya nga may yara sang disabilities.
Ang mga laon kun tawgon ang nagahatag man sang financial support sa mga kabataan sang ila utod, ukon nagaserbe bilang guardians sa tion nga ang ila mga utod ang yara sa gwa sang pungsod ukon financially incapable ang utod agud nga maghatag sang suporta sa ila kaugalingon nga mga anak.
Suno kay Nograles, ang mga single ang dapat nga may yara sang dugang nga benepisyo kag prebilihiyo kaangay sang paghatag sang work leaves kag flexible working schedule.
Ang “Single Persons’ Welfare Act ang naga-define sang single nga amo ang mga indibidwal nga wala nakasal sa kung sin-o man ukon ginkasal apang na-annull kag nagasagod ukon nagahatag sang financial support sa indi niya anak.
Ini ang maga-apply sa tanan nga mga single nga nangin dependent magluwas lamang sa mga single nga nagadagdag sa coverage sang Republic Act 11861 ukon ang Expanded Solo Parents’ Welfare Act.
Ang hagna ang magahatag sang mga single sang educational benefits nga ginahatag sa idalom sang Expanded Solo Parents’ Welfare Act, cash assistance kag work-from-home schedules.
Sa tion nga magpakasal ini, gilayon nga madula ang iya eligibility sa mga benepisyo.
