ILOILO CITY – Ginpakamalaot ni labor leader kag former presidential candidate Leody de Guzman ang administrasyon sa pag-aresto sa iya former running mate nga si Walden Bello kag gintawag ini nga political persecution.
Suno sa iya, wala sang basehan ang kaso nga cyberlibel batuk kay Bello bangud nga maathag ang motibasyon sa likod sini nga ano ang pamulitika.
Ini ang pagmaltrato batuk sa mga kritiko kag sa tanan nga kritikal sa administrasyon.
Ginpanawagan man sini ang Department of Justice (DOJ) nga i-revoke ang warrant batuk kay Bello kag nagpanawagan man sa mga mamalidha nga i-decriminalize ang libel.
Nahibaluan nga kahapon, gin-aresto si Bello bangud sang cyber libel case nga gin-file ni former Davao City Information Officer Jefry Tupas nga nagtrabaho sa idalom ni Vice President Sara Duterte sang siya ang alkalde pa sa Davao City.
Ang anay mamalidha ang na-indict sang paglapas sang Revised Penal Code kag sang Cybercrime Prevention Act of 2012.
Si Bello ang kilala nga kritiko sang administrasyon ni Duterte kag ni Marcos kag sang nagpapili ini sang 2022 national elections batuk kay Sara Duterte.
Samtang, madamo sang nagpanawagan nga buy-an si Bello.
Isa sa ila amo si senatorial candidate Atty. Luke Espiritu.
Suno sa iya, ini ang “politically motivated.”
Nagpanawagan man si Kabataan Rep. Raoul Manuel nga buy-an si Bello kag ang iban pa nga political prisoners sa pungsod.
Mabaskog man nga ginkondenar ni Bagong Alyansang Makabayan (Bayan) secretary general Renato Reyes Jr. ang ining pag-aresto kay Bello.
