ILOILO CITY – Natalana nga islan sang global initiative nga COVAX Facility ang tanan nga manug-expire nga bakuna nga ginbakal sang Pilipinas lakip na ang iya sang pribado nga sektor kag local governments.
Suno kay Department of Health (DOH) officer-in-charge Maria Rosario Vergeire, ang delivery sang ibaylo nga mga bakuna ang wala pa na-schedule bangud may yara pa sang bastante nga suplay ang pungsod.
Ang nauyang nga bakuna sang pungsod ang mas manubo sa 10 percent sang threshold nga gin-set sang World Health Organization (WHO).
Bukas naman ang ahensya sa imbestigasyon sa mga manug-expire kag nauyang nga bakuna.
Kabilugan nga 71.9 million ka mga Pilipino ang fully vaccinated suno kay Vergeire.
Sa kabilugan nga figure, 16.6 million na ang nakabaton sang additional dose samtang 1.5 million ang nakabaton sang ikaduha nga booster.
Target sang gobyerno nga maka-administer sang 443,892 additional doses adlaw-adlaw agud nga malab-ot sang pungsod ang 23 million nga dugang nga booster shots sa Oktubre 8.
