ILOILO CITY – Natalana nga magsumiter sang mga dokumento ang Commission on Elections (COMELEC) nga nagapaathag sang madasig nga transmission sang 2022 poll results sa Joint Congressional Oversight Committee (JCOC) sa masunod nga semana.
Suno kay COMELEC spokesperson John Rex Laudiangco, nakabaton sila sang sulat nagikan sa poll watchdog groups nga nagapangayo sang paathag sa madasig nga transmission sang resulta.
Ginpahayag dugang ni Laudiangco nga ang mga dokumento ang yara na sa kay Commissioner Marlon Casquejo kag iga-deliver na sa oversight committee pagkatapos nga maaprubahan sang commission en banc.
Ginpasalig man niya nga ang tanan nga datos nga ginapangayo sang watchdog groups ang ihatag lakip na sa JCOC.
Santo sa layi, dapat nga mabaton anay sang oversight committee ang mga dokumento.
Suno sa COMELEC, 70 percent na sang election returns ang na-transmit sa sulod lamang sang tatlo ka oras sang nagligad nga May 9 elections.
