ILOILO CITY – May yara sang travel history sa Pilipinas ang pinakauna nga kaso sang monkeypox sa Hong Kong.
Ang pinakauna nga kaso amo ang 30 anyos nga lalaki nga nagpadulong sa Hong Kong kag nakitaan sang sintomas sa hotel quarantine.
Suno sa health official nga si Edwin Tsui, ang pasyente ang nag-abot sang Lunes kag nagpadulong sa ospital matapos nga naglain ang pamatyag.
Ang mga bisita sa Hong Kong ang dapat nga magpaidalom sa tatlo ka adlaw nga hotel quarantine bilang kabahin sang zero-COVID strategy.
Ang amo nga monkeypox patient ang wala sang contact sa komunidad kag gin-classify bilang imported case kag ang risgo nga matapikan ang mga taga-Hong Kong ang tuman ka nubo.
Wala man ini sang may na-identify na close contact sa syudad.
Ang pasyente ang madugay nga nagtinir Estados Unidos antes nag-stay sa Canada sang isa ka semana, nagpadulong sa Pilipinas kag sa Hong Kong.
Lakip sa mga sintomas niya amo ang skin rashes, nagabanog nga lymph nodes kag sore throat sa isa ka semana nga nagresulta sang pagka-ospital niya suno sa health officials.
Pataason sang Hong Kong ang ila nga alert level sa monkeypox kag i-notify ang World Health Organization (WHO) kag ang and mainland China.
