ILOILO CITY – Duha ang kumpirmado nga napatay matapos ang pag-igo sang bagyo Nanmadol sa Japan.
Madamo naman sang mga napilasan bangud sang amo nga bagyo.
Apang, gin-downgrade na sang mga otoridad ang warning bangud nagahina na ang bagyo matapos nga nag-landfall.
Ulihi ini nga nakita nga nagapalayo na sa western coast sang Japan matapos nga nag-landfall sa Kagoshima sa southern Kyushu sang Domingo.
Malapit sa anum ka milyon ka mga tawo ang nagapabilin sa evacuation warnings.
Nagpaandam ang mga otoridad nga apisar nga magbubo ang ulan, may matabo gid nga pagbaha kag landslides.
