ILOILO CITY – Gin-anunisyo sang health ministry sang Uganda ang outbreak sang Ebola virus sa central district sang Mubende matapos nga naka-record sang pinakauna nga patay humalin sang 2019.
Suno sa ministry, ang napatay amo ang isa ka 24 anyos nga lalaki nga nakabatyag sang sintomas.
Una na nga nagpagwa sang pahayag ang World Health Organization may kaangtanan sa kamatayon sang amo nga lalaki.
Ini ang kasunod sa imbestigasyon sang National Rapid Response team sa anum ka makaduluda nga kamatayon sa amo nga distrito sa subong nga bulan.
Walo ka iban pa ka suspected patients ang nagapaidalom sa pagbulong.
Ang Uganda ang naka-eksperyensya sang Ebola outbreak sang nagligad ilabi na sang 2019 kun sa diin, lima ang napatay.
