Ginbasura sang Commission on Elections ang kadalag-an sang incumbent governor sang Negros Oriental nga si Henry Teves matapos nga gin-isip sang poll body ang mga boto nga nakuha sang nuisance candidate nga si Ruel Degamo (nga ‘u’ ang spelling sang Ruel) kag gindugang sa boto sang nalutos nga gubernatorial candidate nga si Roel Degamo (nga ‘o’ ang spelling sang Ruel).
Ang writ of execution ang naserbe na sa mga natungdan.
Suno kay Atty. Ferdinand Gujilde, spokesperson sang poll body sa Central Visayas, si Teves ang mahimo sa gihapon nga mag-apelar sa Supreme Court.
Apang kun mapaslawan si Teves nga magkuha sang temporary restraining order, ang ruling sang Commission on Elections ang ipatuman.
Maga-convene sa October 3 ang special canvassing board agud nga ma-nullify ang kadalag-an sang ginkabig nga nuisance candidate nga si Degamo.
Sa boto nga 3-2, gin-deny sang Commission on Elections en banc ang appeal nga gin-file ni Ruel Degamo nga ang matuod nga pangalan amo si Grego Gaudia matapos nga gin-grant sang second division ang plea sang isa pa ka Roel Degamo agud nga ideklarar bilang nuisance candidate kag i-cancel ang certificate of candidacy sang peke nga Ruel Degamo sang December 16, 2021.
Ang duha ka mga Roel (Ruel) ang nakakuha sang 277,462 votes kag 49,039 votes sang nagligad nga election.
Kun sumahon ang boto nga nakuha sang duha, bastante na agud nga malutos ni anay governor Roel Degamo ang incumbent nga si Teves nga nakakuha sang 296,897 votes.
