ILOILO CITY – Mas gin-doble pa ang search and rescue operations sa Florida kasunod sang paglaslas ni Hurricane Ian nga nagbilin sang death toll nga 100 kag ginkabig nga pinamalala kag makamamatay nga bagyo sa America.
Suno kay Kevin Guthrie, director sang emergency management sang Florida, ginpatigayon ang maid-id nga inspection sa ginabanta 45, 000 ka mga propyedad.
Apisar nga napaidalom na sa inspection ang lugar, magabalik ang rescue team agud nga mag-double check.
Nahibaluan nga nagdangat na sa 103 ang na-record nga napatay humalin sang nag-landfall ang Category 4 hurricane.
Ang 78 ka mga fatalities ang na-record sa coastal jurisdictions sang Lee kag Charlotte counties samtang ang 21 naman ang na-record sa siyam ka iban pa nga mga counties.
Sa North Carolina, ginpahayag sang mga otoridad nga apat ang napatay sa lugar.
