ILOILO CITY – Nagdepensa ang North Korea sa ginpatigayon nga missile tests bilang isa ka legitimate defense batuk sa US military threats.
Nahibaluan nga nagpatigayon sang anum ka mga sanctions-busting launches ang North Korea sa sulod sang duha ka semana kun sa diin, ang pinakaulihi amo ang pag-fire sang isa ka pares sang ballistic missiles.
Sang Martes, naglunsyar sang intermediate-range ballistic missile ang North Korea sa Japan.
Nagpagwa sang statement ang government agency matapos ang ginpatigayon nga annual assembly sang International Civil Aviation Organization nga nagkondenar sa missile test sang North Korea.
Ginakabig sang Pyongyang ang resolution nga ginpasar sang organisasyon nga isa ka political provocation sang Estados Unidos kag sang vassal forces sini nga nagalapas sa soberanya sang north Korea.
Ang mga opisyal sang Seoul kag Washington ang nagpaandam nga ang North Korea ang maga-conduct sang nuclear test nga ginalauman nga matabo pagkatapos sang Party Congress sang China sa October 16.
