Daku nga mga papel ang tungdan sang mga Pinoy sa ginabantayan nga 30th anniversary special sang “Beauty and the Beast” sang Disney!
Magluwas nga ang Filipino-American R&B singer nga si H.E.R. ang napilian nga magdala sang papel ni Belle, Pinoy man ang magadala sa papel sang inventor nga si Maurice ukon ang tatay ni Belle!
Ini amo ang Filipino-American actor nga si Jon Jon Briones nga nag-star man sa television shows nga “Ratched” kag “Star Trek: Picard.” May voice roles man ini sa “Trese” kag “Transformers: EarthSpark,” kag sunod man nga mabatian sa “The Last Voyage of Demeter.”
Ini nga special ang maga-feature sang never-before-seen musical performances, brand new costumes, kag set designs nga inspired sang original French fairytale kag igaperform sang cast ang mga ambahanon halin sa original 1991 animated film sa atubang mismo sang live audience sa Disney Studios!
Ang Grammy-winning singer nga si H.E.R. ang una nga Afro Filipina nga maga-portray sa isa ka Disney princess, bangud kun matandaan, yara man anay ang legendary actress nga si Lea Salonga apang nagserbe lamang ini bilang singing voices para kanday Jasmine kag Mulan para sa ila Disney Films.
Balantayan man sa sini nga anniversary special ang singer nga si Josh Groban bilang si Beast, Joshua Henry bilang Gaston, kag EGOT winner nga si Rita Moreno bilang narrator.
Yara man ang veteran comedian nga si Martin Short, Tony winner nga si David Alan Grier, country-pop singer nga si Shania Twain, Leo Abelo Perry bilang teacup Chip, kag Rizwan Manji bilang LeFou.
Balantayan ang “Beauty and the Beast: A 30th Celebration” sa Disyembre 15 sa Estados Unidos. ##
