ILOILO CITY – Nagpaandam ang Australian-American businessman nga si Rupert Murdoch nga indi pagsuportahan sang iya media empire si Donald Trump sa iya tuyo nga pagbalik bilang presidente sa White House.
Ini ang kasunod sang pagtib-ong sang kadam-an sang supporters sang Republican kay Florida governor Ron DeSantis.
Matapos ang disappointing performance sang partido sa US midterm elections particular na ang poor showing sang mga kandidato nga ginkampanya ni Trump, ang media empire ni Murdoch ang daw kaangay nga magapahuway anay nagikan sa naguba nga pangalan sang anay presidente kag ang nagaluya na nga political power.
Sang nagligad nga semana, ang flagship paper ni Murdoch ang nagtawag kay Trump nga isa ka dako nga kapaslawan kag amo ang responsable sa pagdala sa Republicans sa isa ka political fiasco.
Si Trump ang ginalauman nga mag-anunsiyo sang iya intention nga magpadalagan bilang presidente sa 2024 subong nga aga kag gab-i na sa Estados Unidos.
Si Mudoch ang ginapahayag nga magasuporta kay DeSantis.
