Ginbuksan ang ginakalangkagan nga 2022 World Cup sa Al-Bayt Stadium sa Qatar paagi sa isa ka madinuagon nga seremonya nga nagdala sang mensahe sang inclusion, paglaum, kag respeto sa isa kag isa.
Ginabanta 60,000 ka mga tawo ang nagdugok sa stadium kag nagsaksi sa extravaganza sang saot, kanta, kag pyrotechnics antes ang opening match sa tunga sang Ecuador kag host nga Qatar sa Group A.
Gin-feature sa seremonya ang legendary American actor nga si Morgan Freeman kag ang Qatari YouTuber nga si Ghanim Al-Muftah nga isa sa mga ambassador sang FIFA World Cup.
Ang 20-anyos nga si Muftah ang nagasuprer sang Caudal Regression Syndrome, isa ka kondisyon kun sa diin apektado ang development sa idalom nga bahin sang iya lawas, apang kilala siya sa bilog nga pungsod bangud sa iya nga motivational speeches.
Paagi sa pag-recite sang verses halin sa Quran, gin-engganyo sang lamharon nga ambassador ang inclusion kag diversity sa amo nga football tournament.
Ang pagdungan kanday Freeman kag Al-Muftah sa stage amo ang pag-represent sang inclusion sa Qatar sa tunga sang ginapangatubang sini nga international criticism bangud sa indi maayo nga rekord sa pagtratar sini sa kinamatarong sang mga tawo.
Agaw-atensyon man ang South Korean pop star nga si Jung Kook nga amo ang nagkanta sang tournament song nga Dreamers kag gin-updan sang Qatari singer nga si Fahad Al Kubaisi.
Lakip sa gin-feature sa saot sa opening ceremony amo ang giant walking kits sang 32 ka football teams nga naga-compete sa tournament kag ang mascots sang nagligad nga mga World Cups nga gin-updan sang 2022 mascot nga si La’eeb, ang puti, nagayuhom, kag soccer-playing turban nga nagakahulugan ‘skillful player’ kag inspired sa Qatari culture kag customs.
Ang nag-deliver naman sang opening speech amo si Emir Sheikh Tamim bin Hamad Al Thani.
Wala sang major Western leaders nga nagtambong sa event, apang yara sanday United Nations Secretary-General António Guterres, Algerian President Abdelmadjid Tebboune, Senegalese President Macky Sall, Palestinian President Mahmoud Abbas, Rwandan President Paul Kagame, kag Crown Prince Mohammed bin Salman sang Saudi Arabia.
Nagtakop ang 30 ka minutos nga seremonya paagi sa fireworks display kag isa ka dance routine antes nag-warm up ang Qatar kag Ecuador para sa ila nga una nga hampang.
