ILOILO CITY – Wala pa sa gihapon nakapili sang bag-o nga agriculture secretary si President Ferdinand Marcos Jr. bangud ang listahan ang masami nga nagabag-o.
Suno kay Marcos, may yara siya sang timetable sa kun san-o niya i-turn over ang opisina apang may yara pa sang mga butang nga gusto niya nga matabo antes bayaan ang departamento.
Madamo man sang mga nagagwa nga pangalan suno sa iya.
Sa tion nga matapos na ang “checklist” niya, may yara na siya sang mahimo i-nominate bilang tiglikom.
Sang ginpamangkot kun pila ka mga opisyal ang nalakip sa listahan, suno sa presidente, may yara sang nagakadula kag nagakakuha.
Kung madumduman, madamo na sang mga mangunguma nga nagpanawagan kay Marcos nga mag-appoint na sang isa ka full time secretary.
Lakip man sa mga nagpanawagan amo sanday Senators Koko Pimentel kag Risa Hontiveros.
Apang suno kay Marcos, buy-an lamang niya ang ahensya sa tion nga ang mga functions sini ang ma-institutionalize sang maayo kag ang mahimo na ang mga structural changes nga kinahanglan.
