ILOILO CITY – Nagapabilin sa gihapon nga “blessed” ang mga Pilipino apisar sang mga kabudlay nga naagyan sang pungsod bangud sa COVID-19 pandemic.
Ini ang suno kay Presidente Ferdinand Marcos, Jr. kadungan sang ginpatigayon nga Christmas tree lighting ceremony sa Malacañang.
Suno sa iya, malipayon siya sa pagpatigayon sang tree lightning bangud nga madugay naman ini nga ginhulat sang kadam-an.
Sang nagligad nga duha ka tuig, madamo pa sang mga restrictions gani wala sang madamo nga mga aktibidad nga ginhimo.
Gindugang pa niya nga ang paskwa ang para sa mga kabataan.
Dapat suno sa iya, ang tagsa ka bata nga Pilipino ang makaselbrar sang paskwa.
Ang seremonya ang gintambungan ni First Lady Marie Louise “Liza” Araneta-Marcos, Vice President Sara Duterte, former First Lady Imelda Marcos, kag iban pa nga myembro sang Marcos family.
