ILOILO CITY – Ginapanan-aw nga kulangon ang luggage pushcarts sa Ninoy Aquino International Airport Terminal 3 kadungan sang masobra sa three million passenger arrivals subong nga holiday season.
Ang Ninoy Aquino International Airport ang nag-order na sang dugang nga mga pushcarts apang, tatlo pa ka bulan kag mag-abot.
Bangud sini, nagmandu na sang inspection ang Manila International Airport Authority sa baggage handling system.
Ang mga airline operators kag ground handlers ang ginhatagan na sang instruction nga kinahanglan ang bastante nga personnel.
Apang, ang mga bangko ang kulang man para sa mga nagahulat sang ila connecting flights.
Bangud sini, nagpanawagan ang airport authorities sa mga pasahero nga palabaan pa ang pasensya.
Indi kaangay sa nagligad nga mga flights, wala na sang linya para sa x-rays sa entrance kag ang mga guards ang magapangayo na lamang sang tickets kag identification cards.
Apang, kinahanglan sa gihapon ang x-ray antes mag-proceed sa pre-departure area.
Apisar sini, nagpasalig ang Manila International Airport Authority nga nalab-ot sa gihapon sang security sang airport ang international aviation standards.
