ILOILO CITY – Nangin emosyonal ang bisperas sang paskwa para sa 35 ka mga inmates sa Correctional Institution for Women matapos nga nakita ang ila mga bana sa New Bilibid Prison sa Muntinlupa City.
Ginpahanugutan sila sang Bureau of Corrections nga magkaupod sa national penitentiary sa espiritu sang paskwa.
Ang pila sa ila ang wala gid nakakit-anay sang pila ka tuig.
Suno kay Bureau of Corrections officer-in-charge Gregorio Catapang Jr., base sa pagsulundan, indi mahimo nga magkitaay ang mga ini sang masami apang subong nga paskwa, ginpahanugutan sila sang ahensya.
Dugang pa ni Catapang, ang mga mag-asawa ang pahanugutan nga magkitaay tubtob sa Enero 1, 2023 humalin alas-9:00 sa aga tubtob alas-tres sa hapon.
Ginpahanugutan man sang ahensya ang mga himata sang mga preso nga bisitahan sila subong nga Christmas Day.
