ILOILO CITY – Nagdangat sa 53 ang na-record nga kaso sang firecracker-related injuries sa Western Visayas kadungan sang pagsug-alaw sang bag-ong tuig.
Ini ang mas mataas sa na-record nga kaso sang 2021-2022 kun sa diin, may yara lamang sang 34.
Sa record sang Department of Health Region VI humalin sang Disyembre 21, 2021 tubtob Enero 1, 2023, ang probinsya sang Iloilo ang may pinakamataas nga kaso kun sa diin, nagdangat ini sa 20; Negros Occidental, 19; Bacolod City, 4; Aklan, 3; Antique, 2; Guimaras, 2; Iloilo City, 2; kag Capiz nga may isa.
Sa probinsya sang Iloilo, tag-isa ang na-record nga kaso sa mga banwa sang Cabatuan, Calinog, Dingle, Dueñas, Lambunao, Leganes, Lemery, Maasin, Mina, New Lucena, Oton, Passi City, Pototan, San Enrique, San Joaquin, San Miguel, Sta. Barbara, Sara, kag Zarraga.
Sa interview sang Bombo Radyo kay Dr. May Ann Sta. Lucia, OIC Division Chief, Local Health Support Division sang Department of Health VI, iya ginpahayag nga kadam-an sang mga biktima ang mga kabataan nga naga-edad 20 kag panubo.
Boga ang kalabanan nga nagpilas sa mga biktima.
Sa syudad sang Iloilo, madamo sang na-confiscate nga boga ang Iloilo City Police Office nagikan sa mga barangay nga nakuha sa mga menor de edad.
