ILOILO CITY – Gina-imbestigaran na sang Aerodrome and Air Navigation Safety Oversight Office sang Civil Aviation Authority of the Philippines ang natabo nga power supply problem nga nagsirado sang Philippine airspace sang New Year’s Day.
Sa ginpagwa nga statement sang Civil Aviation Authority of the Philippines, ang power outage sa Air Traffic Management Center ang bangud sang problema sa electrical network sang system.
Suno naman sa Department of Transportation, ang Aerodrome and Air Navigation Safety Oversight Office ang isa ka existing office nga yara sa idalom sang Civil Aviation Authority of the Philippines bilang regulator kag oversight authority para sa air navigation kag traffic services.
Ini ang ginabug-usan sang technical personnel nagikan mismo sa Civil Aviation Authority of the Philippines lakip na ang aerodrome engineers, electrical and communication engineers, air traffic controllers, pilots, kag abogado.
Nahibaluan nga kahapon, may na-record nga technical issue sa Philippine Air Traffic Management Center nga nag-apekto sa ginabanta 56,000 ka mga pasahero sa Ninoy Aquino International Airport.
At least 282 ka mga flights ang kanselado, gin-divert kag na-delay.
Sa subong, may yara sa gihapon sang mga flights ang kanselado bangud sa nasambit nga technical issue.
