Commission on Elections, nagpanawagan sa mga wala pa nakaparehistro nga maghulag na antes pa man ang deadline; registration, wala na sang extension

ILOILO CITY – Nagpanawagan ang Commission on Elections sa mga mahilig nga maghulag sa deadline nga magparehistro na bangud nga matapos na ini sa katapusan sang Enero.

Suno kay Commission on Elections Commissioner George Erwin Garcia, wala na sang may matabo nga extension sang registration.

Ini ang ginpahayag ni Garcia kadungan sang pagbalik na sang registration kahapon, January 3.

Target sang poll body nga makarehistro sang dugang nga 15 to 20 million voters sa katapusan sang registration.

As of December 30, 2022 nga data sang ahensya, may yara na sang 60,491 registrants nga naga-edad 15-17 para sa Sangguniang Kabataan; 101,944 nga naga-edad 18 to 20 years old; kag 25,694 nga 21 years old kag pasaka.