Gin-anunsyo ni President Ferdinand ‘Bongbong’ Marcos Jr. nga ang iya meetings sa Chinese businessmen ang nakatipon sang kabug-usan nga $22.8 billion ukon masobra P1.2 trillion nga investment pledges.
Ginalauman nga makabulig ini pabangon sa ekonomiya sang Pilipinas kag makahatag sang dugang nga trabaho sa mga Pinoy.
Suno sa Office of the Press Secretary, ini nga commitments nagalakip sang $13.76 billion sa renewable energy, $7.32 billion sa electric vehicle and mineral processing, kag $1.72 billion sa agribusiness.
Sa renewable energy suno sa Office of the Press Secretary, ang interes ang kalabanan yara sa solar and wind, apang nagalakip man sa manufacturing sang equipment kaangay sang wind turbine generation towers, foundations, kag iban pa nga wind turbine parts.
May Chinese companies suno sa opisina nga nagpahayag sang interes sa pag-invest sa niyog, durian production, kag sa Philippine livestock sector.
Antes sini, una na nga ginpahayag sang Malaca ang nga nagpirma na ang Philippine kag Chinese governments sang 14 bilateral agreements sa amo nga state visit. ##
