Posible nga magpaguwa ang Department of Agriculture (DA) sang bag-o kag mas manubo nga suggested retail price (SRP) para sa bombay subong nga semana.
Suno kay Agriculture Assistant Secretary kag Spokesperson Kristine Evangelista, ang P250 per kilogram nga SRP para sa bombay sa National Capital Region (NCR) ang nag-expire na sang nagligad nga Sabado, Enero 7.
Suno sa opisyal, mas madamo na ang ma-harvest sa ikaduha nga semana sang Enero gani manubo naman ang farmgate price kag may yara man ini sang epekto sa SRP.
Ginabanta suno sa iya nga yara gihapon sa P200 ang SRP sa ikaduha nga semana subong nga bulan.
Base sa price monitoring sang DA, yara sa P280-P650 per kilo ang local red lonions samtang ang while local white onions naman ang yara sa P400-P600 per kilo.
Una na nga ginpahayag sang DA nga ‘kun out of control n’ ang pagsaka sa presyo sang bombay, posible nga maga-import na gid lang bilang ‘band-aid solution.’
Yara sa gihapon ang paglaum sang ahensya nga kadungan sang harvest season, may matipon nga 19,000 metric tons nga amo ang makapanubo sa presyo sang agricultural commodity sa mga merkado indi lamang sa Metro Manila kundi mangin sa Visayas kag Mindanao. ##
