Gingisa ni Senator Cynthia Villar, chair sang Senate Committee on on Agriculture, Food and Agrarian Reform, ang mga opisyal sang Bureau of Animal Industry (BAI) bangud sa ginpahayag nagasulubra nga importation sang karne apisar sang bastante nga suplay sini sa pungsod.
Gintumod sang senador ang data nagikan sa Philippine Statistics Authority (PSA) kun sa diin sa nagligad nga tatlo ka tuig, nakit-an nga bastante ang local pork production para masabat ang demand sa mga merkado.
Nagpanindugan naman ang talatapan nga naga-aprubar lamang sang importation requests ang BAI kag wala sa ila ang direkta nga control sa frequency kag sa kadamuon.
“Madam Chair, yung importation kasi ang client po ang nagla-lodge so wala po kaming direct control kung gaano karami o gano po ka-frequent,” suno kay BAI officer-in-charge Paul Limson.
Nanginit naman ang senador sa sabat ni Limson nga amo suno sa iya ang naga-isyu sang import permit.
“I just want to ask the director of the BAI. Sino nagturo sa’yo na basta mag-iimport kung may gusto mag-import? Wala kang pakialam, mag-iissue ka ng import permit. Sino nagturo niyan sayo? Ngayon ko lang nadinig yan,” sabat ni Villar.
Gin-insister ni Limson nga ginapatuman na ang amo nga polisa antes pa man siya gin-appoint sa BAI sang nagligad nga tuig.
Suno naman sa senador, indi mabaton ang sabat sang opisyal kag common sense na kuntani sa iya ang amo nga obligasyon.
Pamangkot ni Villar, ngaa batunon ang amo nga posisyon kun indi man sini palangga ang livestock industry sang Pilipinas.
“Di ba common sense yon? Bakit ganyan ang mentality mo? Wag kang gaganyan sa akin. Bakit mo tinanggap ang posisyon hindi mo pala mahal ang livestock industry ng Pilipinas? May doctorate degree ka, wala kang common sense?,” dugang pa ni Villar.
Sang ulihi, nanginit pa ang senadora kag nagpahayag nga mag-resign na lang ang mga opisyal sang amo nga talatapan.##
