ILOILO CITY – Wala pa nahibaluan sang Philippine National Police kun bala, may yara sang ginasuspetsahan nga guilty nga police officials sa 500 nga nagpasa sang courtesy resignations.
Suno kay Philippine National Police Chief Rodolfo Azurin Jr., ginasala pa nila ang records sa Directorate for Personnel and Records Management.
Sang nagligad nga semana, nagpanawagan si Interior Secretary Benhur Abalos sa tanan nga full colonels kag generals nga magpasa sang courtesy resignations bilang kabahin sang tikang sang gobyerno nga mapahalin ang mga opisyal sang pulis nga imbolbado sa illegal drug trade.
May yara sang five-member committee nga nagalakip kay Baguio City Mayor Benjamin Magalong nga isa ka retirado nga police general ang maga-review sang resignation letters.
