ILOILO CITY – Nagapati si President Ferdinand Marcos Jr. nga may yara sang dako nga progreso ang gobyerno humalin sang ini ang nagpungko bilang tiglikom sang Department of Agriculture.
Sa interview sa isa ka state-run news channel sa China, ginpahayag ni Marcos nga ang gobyerno ang tuman nga nagakabalaka sa posible “severe shortages” sa food supply kag may yara sang pagsaka sa food prices.
Apang suno sa iya, natigayon ini nga mapahagan-hagan apang gin-ako man niya nga mataas sa gihapon ang inflation rate.
Dugang pa niya, ginatinguhaan sang gobyerno nga mapahagan-hagan man ang importation.
Ini ang ginpahayag ni Marcos sa pihak sang padayon nga pagnubo sang suplay sang bombay nga amo ang ugat sang pagsaka sang presyo sini kag sang mataas nga inflation rate.
Ginpahayag man sang presidente nga para sa iya, importante sa gihapon nga siya ang nagapamuno sang Department of Agriculture bangud nga ang sitwasyon sa sektor sang agrikultura ang indi manami.
Suno sa iya, ang presidente lamang ang makahimo sini.
