ILOILO CITY – Nag-adopt sang isa ka resolution ang House of Representatives nga nagapalab-ot sang condolences kay Pope Francis sa kamatayon sang anay lider sang Simbahang Katolika nga si Pope Emeritus Benedict XVI.
Nakasaad sa House Resolution 688 nga ang Pilipinas bilang isa ka Catholic country ang nagpangasubo man sa kamatayon ni Benedict kag tubtob san-o nga magadumdom sa iya bilang Pope of Charity, great theologian, catechist, kag musician nga naghatag sang paglaum sa tanan nga nakakilala sa iya kag sa iya mga prinsipyo kag legasiya.
Ang resolution ang gin-introduce ni Speaker Ferdinand Martin Romualdez, House Majority Leader Manuel Jose “Mannix” Dalipe, House Minority Leader Marcelino Libanan sang 4PS party-list, Senior Deputy Majority Leader Ferdinand Alexander Marcos kag Tingog Party-list Representatives Yedda Marie Romualdez and Jude Acidre.
Nahibaluan nga si Pope Emeritus Benedict XVI nga ginbun-ag nga si Joseph Aloisius Ratzinger sa Bavaria, Germany, ang napatay sa Vatican sa edad nga 95 sang December 31, 2022.
Hatagan man sang kopya sang resolution ang Apostolic Nunciature of the Holy See sa Manila.
