ILOILO CITY – Ginbasol sang Russia ang Ukrainian army nga amo ang nag-strike sa isa ka ospital sa eastern Lugansk region kun sa diin, 14 ang napatay kag 24 ang pilason.
Sa ginpagwa nga statement sang ministry, ginpahayag sini nga hungod nga gin-atake sang Ukrainian armed forces ang isa ka district hospital gamit ang US-made HIMARS multiple-launch rocket system.
Suno pa sa ministry, 14 ang napatay kag 24 ang pilason nga ginabug-usan sang mga pasyente sa ospital kag medical staff.
Gintawag naman ini sang Russia nga grave war crime nga ginhimo sang rehimen sang Kyiv.
