ILOILO CITY – Nagsumpa na bilang tiglikom sang Department of Social Welfare and Development si Valenzuela City First District Representative Rex Gatchalian.
Mismo si President Ferdinand R. Marcos Jr. ang nagpamuno sang oath taking.
Ginpasalig naman ni Gatchalian ang iya mga constituents sa Valenzuela nga indi ma-apektuhan ang ila distrito bangud nga may yara man sang caretaker nga i-appoint ang House of Representatives.
Gin-abi-abi naman sang Department of Social Welfare and Development ang appointment ni Gatchalian kag nagpahayag sang ila pagsuporta.
Si Gatchalian ang nagsunod sa anay mamahayag nga si Erwin Tulfo nga gin-bypass sang Commission on Appointments sang nagligad nga tuig bangud sa kwestiyonable nga US citizenship kag ang iya libel convictions sang nagligad.
Antes ang appointment ni Gatchalian, nagpungko bilang officer-in-charge ang isa pa ka anay mamalidha nga si Undersecretary for Special Projects, Eduardo “Edu” Punay.
Si Gatchalian nga utod ni Senator Sherwin Gatchalian ang anay alkalde sang Valenzuela kun sa diin, nalakip sa Top 10 Outstanding Local Governance Programs sa Galing Pook Awards ang syudad sang 2021.
Siya ang nagbalik sa House of Representatives sang nagligad nga tuig.
Nangin kabahin man siya sang 14th kag 15th Congress.
