ILOILO CITY – Nagpasar sang hagna ang apat ka mga senador nga nagahatag sang dugang nga benepisyo sa mga anay presidente sang Pilipinas sa rason nga nagahatag sila sa gihapon sang “post-presidential duties.”
Ang mga nag-sponsor sang hagna amo sanday senators Bong Go, Mark Villar, Francis Tolentino, kag Ronald “Bato” dela Rosa.
Sa explanatory note sang Senate Bill No. 1784, ang mga anay presidente ang sa gihapon, nagatiglawas sang Pilipinas kag nagahatag sang ila nga opinyon sa mga isyu.
Lakip sa mga “post-presidential duties” nga gintumod sa hagna amo ang pagpakigsapol sa foreign kag local dignitaries, kag pagtambong sa mga public events kag iban pa nga social engagements.
Ang ini nga mga responsibilidad base sa hagna ang nagakinahanglan sang serbisyo sang personal staff kag pag-maintain sang private offices.
Suno kay Senator Go nga nangin “Special Assistant to the President” kay former President Rodrigo Duterte, ang ini nga mga pribilihiyo kag benepisyo ang nagalakip sang personal security, office space, kag subong man, bastante nga numero sang staff nga ihatag sang Office of the President.
Sa amo man nga hagna, ginamandu-an ang Department of Budget and Management nga ilakip ang mga anay presidente sa General Appropriations Act.
Sa subong, ang nabilin nga buhi nga former presidente amo sanday Joseph Estrada, Gloria Macapagal Arroyo, kag si Duterte.
