ILOILO CITY – Ginpasalig ni President Ferdinand “Bongbong” Marcos Jr. nga pabaskugon pa ang partnership sa mga pungsod nga may yara sang overseas Filipino workers.
Sa vlog sang presidente, ginpahayag niya nga pasiguraduhon sang national government nga mahatagan sang proteksyon ang mga migrant workers kag ang ila mga pamilya sa Pilipinas bilang paagi sa pagpasalamat sa ila nangin kontribusyon sa pungsod.
Sang damlag lang, nagpatigayon sang traditional vin d’honneur si Marcos upod sa diplomatic corps sa Malacañang.
Ginpahayag man sang presidente nga magahatag ang gobyerno sang scholarships kag balay sa pamilya sang mga overseas Filipino workers.
Ginpasalig man niya nga tinguha-an sang gobyerno nga makatukod sang isa ka mabaskog nga ekonomiya agud nga ang pungsod ang mangin attractive nga lugar para puluy-an kag trabahu-an para sa mga pangayaw kag mangin sa mga Pilipino.
Sang Martes, ginpahayag ni Marcos nga natalana nga malab-ot sang Pilipinas ang upper-middle income status sa labing madali nga panahon.
Ang nagligad nga administrasyon ang nagtinguha man nga dal-on ang pungsod sa upper-middle income status sang 2020 apang nagnubo ang ekonomiya sang pungsod bangud sang pandemya.
Sa idalom sang updated standards sang World Bank, ang upper middle-income economy ukon pungsod ang may gross national income per capita nga $4,046 tubtob $12,535 ukon P 217,128 tubtob P672,690.
Sang 2019, ang Pilipinas ang gin-categorize nga lower-middle-income country nga may gross national income per capita nga $1,006 tubtob $3,955 ukon P53,986 tubtob P212,245.
