ILOILO CITY – Magapangayo sang suporta ang mga economic managers sang Marcos Jr. administration nagikan sa mga Japanese investors.
Suno sa Department of Budget and Management, ang economic team ang magapatigayon sang Philippine Economic Briefing bilang kabahin sang official visit ni President Ferdinand Marcos Jr. sa Japan.
Pahayag sang ahensya, ang Philippine Economic Briefing ang naka-schedule bwas nga adlaw, Pebrero 10.
Diri, maga-discuss ang investment opportunities sa Pilipinas ang mga economic managers.
Si Finance Secretary Benjamin Diokno ang maga-discuss sang economic performance and outlook sang pungsod.
Si Budget Secretary Pangandaman naman ang ginalauman nga maga-highlight sang important features sang Fiscal Year 2023 General Appropriations Act, magahatag sang updates sa Expenditure Accounts, Budget Reforms Initiatives, kag Priority Legislative Agenda sang Marcos administration.
Lakip man sa hambalan sa Philippine Economic Briefing amo ang infrastructure kag industry sectors nga ipresentar sang tiglikom sang Department of Trade and Industry, Department of Public Works and Highways, Department of Tourism, kag Department of Transportation.
Maga-deliver man sang keynote address ang presidente.
May patigayunon man nga roundtable meetings upod sa corporate leaders, may pirmahan nga letters of intent/agreements, may luncheon kag networking event, kag pagsinapol upod sa business forum organizers.
