ILOILO CITY – Gin-grant sang International Criminal Court ang hingyo sang Pilipinas nga dugang nga tion agud nga mag-file sang appeal sa pagbalik sang imbestigasyon sang pre-trial chamber sa natabo nga pagpamatay sa drug war sang pungsod.
Sa desisyon sang Appeals Chamber, ginhatagan sang tubtob sa March 13, 2023 ang Pilipinas nga mag-file sang appeal brief nga naga-unod sang sabat sang Pilipinas sa pagbalik sang imbestigasyon.
Sang Pebrero 3, ginpahibalo ni Solicitor Menardo Guevarra ang The Hague-based court nga maga-file sang appeal ang Pilipinas sa bilog nga desisyon sang Pre-Trial Chamber.
Ang appeal brief ang dapat nga magtakup subong nga adlaw, Pebrero 19 apang sang Myerkules, Pebrero 15, nagpangayo sang dugang nga 20 ka adlaw bangud sang ‘logistical kag administrative constraints’ kasunod sang election sang bag-o nga presidente kag ang pagbag-o man sang head sang mga government agencies.
Gin-konsiderar sang International Criminal Court Appeals Chamber ang rason sang Pilipinas kag ginpasugtan ang etxension.
Samtang, ginpamalabagan naman ni International Criminal Court Prosecutor Karim Khan ang apelar sang Pilipinas nga suspenderon sang pre-trial chamber ang pagbalik sang imbestigasyon samtang nga ang Pilipinas ang nag-apelar sa ruling.
Suno kay Khan, ang suspension ang magaresulta sa pag-suspend man sang iya imbestigasyon samtang nga pending ang appeal.
Una na nga ginpahayag ni President Ferdinand Marcos, Jr. nga indi ini magkooperar sa imbestigasyon sang International Criminal Court bangud sang isyu sang jurisdiction.
