ILOILO CITY – Gin-aprubahan na sang Senado ang ratification sang Regional Comprehensive Economic Partnership nga isa ka free trade agreement sa 10 ka myembro sang Association of Southeast Asian Nations, sang China, Japan, South Korea, Australia kag New Zealand.
Nagtambong sa session sang senado sanday Executive Secretary Lucas Bersamin, Finance Secretary Benjamin Diokno, Budget Secretary Amenah Pangandaman, National Economic and Development Authority Secretary Arsenio Balisacan, Department of Trade and Industry Secreatry Alfredo Pascual kag iban pa nga mga opisyal nga nagasuporta sa Regional Comprehensive Economic Partnership.
22 ka mga senador ang nagboto pabor samtang si Senator Risa Hontiveros ang wala nagpabor kag nag-abstain si Senator Imee Marcos.
Gin-depensahan sang mga co-sponsors nga sanday Senate President Juan Miguel Zubiri kag Senator Loren Legarda ang Regional Comprehensive Economic Partnership kag ang mga ginapanan-aw nga benepisyo sini sa pungsod.
Ginpahayag ni Zubiri nga ang agreement ang magahimo sang 1.4 million nga mga trabaho sa 2031.
Ginpahayag naman ni Marcos nga ini ang may negatibo nga epekto sa controversial nga Rice Tariffication Law.
Una na nga ginpahayag sang National Economic and Development Authority nga indi ini maka-apekto sa agriculture sector sa baylo, makahatag pa ini sang benepisyo.
