ILOILO CITY – Ginpahayag ni President Ferdinand Marcos Jr. nga ang air assets sang pungsod ang magabulig sa pag-monitor sang developments sa exclusive economic zone sang Pilipinas kag magahatag sang close air support.
Ini ang suno sa presidente kadungan sang pagpamuno sini sa turnover kag blessing ceremony sang bag-o nga C-295 medium lift aircraft, kag ginsaksihan ang demonstration flight sang FA-50PH.
Sa speech sang presidente, ginpahayag niya nga archipelagic nature kag lokasyon sang Pilipinas ang makabig nga bugay kag pagpanghangkat sa pungsod bangud sa access sa resources nagikan sa maritime environment apang kinahanglan man sini ang padayon nga pag-adapt.
Dako man nga pagpanghangkat sa Pilipinas ang climate-related hazards nga naga-apekto sa gobyerno kag sa business operations.
Bangud sini, kinahanglan sang militar nga magtrabaho pa.
Gin-ako man sang presidente nga kinahanglan ang dugang nga improvement sa kapabilidad sang pungsod agud nga masakupan ang teritoryo.
Ang bag-o nga C-295 aircraft ang ginbakal sa Espanya kag gin-deliver sa pungsod sang nagligad nga Pebrero 14.
Ini ang latest sa tatlo ka ginbakal sang gobyerno.
Ang duha ang na-deliver na sang nagligad nga tuig.
Sa subong, ang Philippine Air Force ang may yara na sang pito ka mga units sang tactical transport jet.
Sang Septyembre sang nagligad nga tuig, halos katunga sang FA-50 light fighters sang Philippine Air Force ang non-operational bangud sa scheduled maintenance kag atrasado nga delivery sang spare parts.
